Ish-kryeministri Berisha ka dënuar prishjen e shtëpive në zonën e 5 Majit në Tiranë.
Ai shkruan se policia po ushtron terror ndaj banorëve që po i mbrojnë si heronj shtëpitë e tyre.
Mëngjesin e sotëm qindra forca policie e punonjës të IKMT-së shkuan në zonë për të vijuar me prishjen e banesave. Policia ka nxjerrë me forcë nga shtëpitë dhjetëra qytetarë që nuk kishin dalë nga banesat e tyre.
Qytetarët kanë denoncuar dhunën e policisë ndërsa një pjesë e tyre kanë deklaruar se i kanë me tapi e hipotekë pronat që po ju shkatërrohen.
Prej disa javësh banorët e 5 Majit, por edhe të Laprakës e Paskuqanit protestojnë kundër prishjes së banesave të tyre.
Ata akuzojnë bashkinë se po u grabit pronën dhe se nuk u ka dhënë asnjë garanci apo dokument të ligjshëm për dëmshpërblimin e saj.
