Shoferi i një autobusi në Durrës është arrestuar pasi e drejtonte mjetin në gjendje të dehur duke kryer manovra të rrezikshme në rrugë.
Në pranga ka rënë 57-vjeçari me iniciale B.V. banues në fshatin Erzen të Shijakut, i cili u gjobit me 900 mijë lekë si dhe heqjen e patentës për 16 muaj.
Pas njoftimit të qytetarëve për veprimet e rrezikshme të shoferit të autubsit, efektivët e policisë ndërhynë menjëherë duke e ndaluar.
Njoftimi
“Drejtonte autobuzin në gjëndje të dehur, falë dhe bashkëpunimit me qyetarët, Policia Rrugore vë në pranga 57 vjeçarin.
Gjithashtu ndëshkohet me masë administrative me 90.000 lekë të rinj dhe me 16 muaj pezullim të Lejes së Drejtimit.
Shërbimet e Policisë Rrugore pas njoftimit të marrë nga qytetarët se një autobuz, kryente manovra të rrezikshme në rrugën Shkozet –Shijak, menjëherë kanë bërë të mundur bllokimin e autobuzit .
Pas kryerjes së alkooltestit rezultoi se drejtusi i autobuzit shtetasi B.V., 57 vjeç, banues në fshatin Erzen të Shijakut, drejtonte autobuzin në gjëndje të dehur në masën 1.48 mg për litër.
Në përfudnim të veprimeve u bë arrestimi në flagrancë i tij për veprën penale”Drejtimit te mjetit në mënyrë të parregullt ”(në gjëndje të dehur), dhe materialet hetimore i kaluan Prokurorisë, së Rrethit Gjyqësor Durrës për veprime të mëtejshme.
Drejtoia Vendore e Policisë Durrës falënderon qytetarët që denoncojnë këto rates që sjellin pasoja në jetën dhe shëndetin e përdoruesve të rrugës dhe apelon që cilido që konstaton raste të shkeljes së rregullave të qarkullimit rrugor të denoncojnë menjëherë në 112 e Komisariatin Dixhital duke ju garantuar anonimat të plotë e reagim të menjëhershëm, pasi siguria rrugore, është një ndër prioritetet kryesore që ka Policia e Shtetit.”
