Një punonjës i ri i administratës Biden, ‘aktivisti queer’ Sam Brinton, po bën bujë në mediat sociale për pamjen e tij të çuditshme dhe stilin e jetës së tij.
Brinton, e cila është një mbretëreshë krenare dhe ‘përpunuese e këlyshëve’ – me fjalë të tjera, dikush që udhëheq meshkujt homoseksualë të veshur me veshje fetish, ndërsa pretendojnë se janë qen, përpara se të bëjnë seks me ta – është emëruar në një pozicion të rangut të lartë, në Zyrën e Energjisë Bërthamore të Departamentit të Energjisë.
Në letër, një kandidat me master të dyfishtë në inxhinieri bërthamore dhe mekanike nga MIT do të dukej si një përshtatje e përsosur.
Brinton gjithashtu ka përvojë në korridoret e pushtetit, pasi ka këshilluar më parë Shtëpinë e Bardhë Obama për çështjet e LGBTQ+ dhe ka punuar me Kongresin për politikën bërthamore. Biografia e tij e bën të qartë se ai ka një sfond të fortë profesional.
Punësimi i Brinton është një shembull i nismave të administratës Biden drejt ‘Larmishmërisë, Barazisë dhe Përfshirjes (DEI),’, e cila përfshinte gjithashtu emërimin e Dr. Rachel Levine, një zyrtare shëndetësore transgjinore në Departamentin e Shëndetësisë dhe Shërbimeve Njerëzore. Levine u betua më herët si Admiralja e parë me katër yje të vendit.
Brinton ka mbajtur më herët një leksion ‘Kink 101’ në Universitetin e Nebraskës në Omaha, me një postim në Instagram ku Brinton tregohet me një fustan dhe taka, duke qëndruar mbi tre burra të gjunjëzuar me veshje lëkure.
Përgatiti për Hashtag.al, Klodian Manjani
