Kryeministri Edi Rama thotë se 28 familje në Gramsh do të strehohen në banesa të reja. Në një postim në rrjetet sociale, Rama thotë se banesat e banorëve të fshatit Kodër Zgjupë ishin prekur nga rrëshqitja e dherave.
“MIRËMËNGJES,
dhe me gëzimin e 28 familjeve të fshatit Kodër Zgjupë në Gramsh, tashmë me një strehë të re, më komode e të sigurt, duke i dhënë fund ankthit nga rrëshqitjet e tokës, ju uroj të diel të qetë.”- shkruan Rama.
Sipas Ramës, trualli në fshat do të vijojë t’ju mbetet banorëve për të kultivuar produkte bujqësore, por jo për ndërtim, për shkak të rrezikut që zona paraqet.
