Komisioni Hetimor për Inceberatorët i mbledhur sërish ditën e sotme duke zgjatur gjithë ditën ku janë pyetur një sërë dëshmitarësh.
Në përfundim të mbledhjes drejtuesja e Komisionit, Jorida Tabaku tha se faktet që po paraqiten kanë bërë që kushdo të dëgjojë me atë që ka ndodhur me aferën e incineratorëve.
Tabaku tha me përgjegjësi se në 80% të dëshmitarëve që janë thirrur ata kanë lidhje me aferën.
Ndërsa për administratoren e Inceneratorit të Tiranës, Jorida Tabaku tha se do merret me polici nëse nuk vjen as ditën e hënë.
“E kemi vendosur përgjegjësinë dhe peshën politike, njëkohësisht dhe peshën e ligjit tek SPAK për të vepruar. Faktet që po paraqiten këtu, kanë bërë që kushdo të dëgjojë se çfarë ka ndodhur me aferën e inceneratorëve. Dhe me përgjegjësi të plotë e them, në 80% të rasteve të dëshmitarëve të cilët ne kemi thirrur, kanë përgjegjësi për aferën e inceneratorëve. Zonja Dhima nuk e nisi shkresën për Sekretarin e Përgjithshëm të Kryeministrisë por unë do ta nis atë si Kryetare e Komisionit. Më vjen keq që PS nuk bie dakord të zbatojë ligjin sepse unë e di që jam në anën e ligjit, dhe i kërkoj anëtarëve të Komisionit që ditën e hënë, ora 10.00 të rimblidhemi për zonjën Arjola Kodra dhe të presim 48 orëshin për njoftimin sepse tha se nuk e ka marrë akoma njoftimin për mbledhjen e sotme. E konsiderojmë këtë njoftimin e tretë dhe më pas do të zbatojmë ligjin për shoqërimin e saj”-deklaroi Tabaku.
