Italia ka vendosur që të lehtësojë masat anti-covid dhe të parat që preken janë udhëtimet.
Nga 1 marsi udhëtarët mund të hyjnë në Itali pa pasur nevojë të karantinohen. Gjithashtu ata që kanë një pasaportë të gjelbër nuk duhet të kenë test anti-covid ndërsa ata që nuk kanë një certifikatë vaksinimi lejohen të udhëtojnë vetëm me test anti-covid.
“Ministria për Evropën dhe Punët e Jashtme njofton se Italia ka vendosur që të lehtësojë masat anti-Covid për hyrje/daljet nga vendi.
Duke filluar nga data 1 mars, udhëtarët që do të shkojnë drejt Italisë nuk do të jetë e nevojshme që të karantinohen.
Të gjithë personat që duan të futen në Itali, mjafton që të kenë certifikatën e vaksinimit me dy doza.
Ndërsa për ata që nuk janë të vaksinuar, mjafton një test PCR negativ ose certifikata e rikuperimit nga Covid-19”-njofton MEPJ.
