Luftimet e ashpra kanë shpërthyer midis forcave ukrainase dhe trupave besnike të republikës separatiste të Donetskut, ka njoftuar të enjten në mëngjes zëdhënësi i milicisë së rajonit separatist.
Në një deklaratë, Eduard Basurin tha se ‘forcat e armatosura të Republikës Popullore të Donetskut po sulmojnë pozicionet e ushtrisë ukrainase përgjatë gjithë linjës së kontaktit, duke përdorur çdo mjet shkatërrimi në dispozicion të tyre’, tha ai.
Më herët të njëjtën mëngjes, Ministria ruse e Mbrojtjes njoftoi se kishte filluar sulmet kundër objektivave ushtarake në të gjithë Ukrainën, me shpërthime që u dëgjuan në qytetet kryesore.
Lajmi erdhi pasi presidenti rus Putin nënshkroi një urdhër që autorizon përdorimin e menjëhershëm të forcës si pjesë e një ‘operacioni special’ në Donbass.
Duke përmendur kërkesat e liderëve lokalë për mbështetje, Putin tha se do të ‘ndërmerrte veprime vendimtare dhe të menjëhershme’ për të ‘çmilitarizuar’ Ukrainën.
Ministri i Jashtëm i Kievit, Dmitry Kuleba, lëshoi një deklaratë në të cilën deklaroi se Moska ‘sapo ka nisur një pushtim të plotë të Ukrainës’.
Sipas tij, ‘ky është agresion e Ukraina do mbrohet e do fitojë’. “Bota mund dhe duhet ta ndalojë Putinin. Koha për të vepruar është tani.”
