Presidenti i Serbisë, Aleksandar Vuçiç, deklaroi se Serbia qëndron për paqen, respekton të drejtën ndërkombëtare dhe beson se është e gabuar të cenohet integriteti territorial i çdo vendi, përfshirë Ukrainën, por nuk do të vendosë sanksione ndaj Rusisë, sepse do mbrojë interesat e saj.
Vuçiç tha se Serbia respekton të drejtën ndërkombëtare, por mbron interesat e saj dhe respekton miqësitë e krijuara prej kohësh me vendet e tjera.
Presidenti u bëri thirrje qytetarëve që të jenë të bashkuar në anën e vendit të tyre – Serbisë, sa i përket situatës aktuale në botë.
Presidenti i Serbisë tha sonte se kishte bërë gjithçka për t’i sjellë Serbisë përfundimet më të mira për situatën në Ukrainë.
“Unë jam ende president për tre ose katër ditë. Ishte e imja të bëja gjithçka që mundja për të shpëtuar Serbinë, për të pranuar shumicën e presionit, për të miratuar konkluzionet më të mira për Serbinë,” u tha Vuçiç gazetarëve, duke iu përgjigjur një pyetjeje se si Serbia do të përballojë se askush nuk do të jetë i kënaqur me pozicionin e saj dhe se ajo do të jetë i vetmi vend në BE që nuk do të vendosë sanksione ndaj Rusisë, përcjell Tanjung.
