Përfaqësuesit e Europës dhe aleatë kanë braktisur sot sallën në Konferencës e OKB-së për Çarmatimin të mbajtur në Gjenevë, gjatë kohës që po fliste ministri i Jashtëm rus, Sergey Lavrov.
Ky i fundit nuk po fliste live nga salla, por përmes një video-mesazhi në distancë.
Lavrov gjatë fjalimit të tij tha se nuk mori pjesë personalisht për shkak të atyre që ai i quajti masa “të egra” nga Bashkimi Evropian në zbatimin e sanksioneve ndaj Rusisë, pas pushtimit të Ukrainës.
Gjatë kohës që transmetohej videoja e tij, përfaqësuesit nga Evropa dhe aleatët e tjerë u larguan nga salla si shenjë kundërshtimi ndaj veprimeve të Rusisë në Ukrainë.
Walk out from the EU and its partners during the statement from Minister #Lavrov at the #ConferenceOnDisarmament this morning to show our support to Ukraine #StandWithUkraine pic.twitter.com/q6Tq8bdd1D
— France-Désarmement 🇫🇷🇪🇺 (@FR_Desarmement) March 1, 2022
