Gjiganti amerikan i transmetimit Netflix ka vendosur të mos mbajë kanale ruse në platformën e tij pas sulmit rus ndaj Ukrainës.
“Duke pasur parasysh situatën e tanishme, ne nuk kemi plane t’i shtojmë këto kanale në shërbimin tonë,” tha një zëdhënës i Netflix për Variety të hënën.
Faqja e internetit e lajmeve argëtuese e quajti paketën e kërkuar ‘kanale propagandistike’ dhe deklaroi se një prej tyre ishte “Spa, një kanal i operuar nga Kisha Ortodokse Ruse”.
Rrjeti fetar të cilit i referohej quhet Spas, që do të thotë ‘Shpëtimtar’ në sllavishten kishtare. Dy paketat që përbëjnë grupin e detyrueshëm përfshijnë edhe disa kanale argëtimi, një kanal filmash vizatimor për fëmijë dhe një kanal muzikor.
Netflix u lokalizua në Rusi më shumë se një vit më parë. Dega e saj ruse u shtua në listën zyrtare të ofruesve të përmbajtjes në fund të dhjetorit, pas presionit që konkurrentët i bënë rregullatorit të medias RKN. Shërbimi kishte dy muaj kohë për të respektuar rregullat për 20 kanalet.
Ndryshe nga shumë kompani të tjera perëndimore që u zotuan të ndalojnë së bëri biznes në Rusi për shkak të operacionit të vazhdueshëm ushtarak kundër Ukrainës, Netflix do të vazhdojë të ofrojë shërbime për abonentët rusë, ‘ndërsa monitoron situatën nga afër’, raportoi Variety.
