Të huajt që dëshirojnë të udhëtojnë në Ukrainë dhe t’i bashkohen Legjionit Ndërkombëtar për të luftuar kundër Rusisë mund ta bëjnë këtë pa vizë duke filluar nga 1 marsi, njoftoi të hënën Presidenti Volodymyr Zelensky në mes të ofensivës së vazhdueshme ushtarake të nisur nga Moska.
Urdhri 82 i Zelensky vendos një regjim pa viza për kohëzgjatjen e gjendjes së tanishme të jashtëzakonshme dhe udhëzon qeverinë ukrainase që të fillojë menjëherë zbatimin e tij.
Përjashtimi i vetëm bëhet për qytetarët e ‘shtetit agresor’, që do të thotë se çdo shtetas rus që dëshiron të marrë anën e Kievit në konflikt nuk është i mirëpritur.
Presidenti ukrainas njoftoi krijimin e Legjionit Ndërkombëtar të Mbrojtjes Territoriale të Ukrainës – një njësi e veçantë e përbërë tërësisht nga vullnetarë të huaj – të dielën, në një fjalim në të cilin ai e quajti ofensivën ruse ‘fillimi i një lufte kundër Evropës’.
