Agjencia e Mbikëqyrjes Policore ka arrestuar në flagrancë dy policë të Komisariatit të Policisë Rrugore të cilët dyshohen për “Korrupsion pasiv të personave që ushtrojnë funksione publike” dhe “Shpërdorim detyre” në bashkëpunim.
Arrestimi i tyre u krye pasi këta punonjës policie, duke qenë me shërbim me aparatin shpejtësi matës (Radar) dhe në bashkëpunim me njëri-tjetrin, pasi ndalonin automjete, nuk i ndëshkonin ata me masa administrative në shkëmbim të vlerave monetare.
Si provë materiale janë sekuestruar vlerat monetare të përfituara nga korrupsioni pasiv.
“Pas hetimeve të zhvilluara nga Drejtoria Rajonale e AMP Tiranë për llogari të Proçedimit Penal Nr. 5333 të vitit 2021, regjistruar nga Prokuroria pranë Gjykatës së Shkallës së Parë Tiranë dhe i aplikuar me metoda speciale të hetimit , u bë i mundur dokumentimi me prova ligjore dhe arrestimi në flagrancë i punonjësve të policisë:
– Inspektor E. Ç., me detyrë agjent verifikues/trup shërbimi në Komisariatin Rajonal të Policisë Rrugore Tiranë, i dyshuar për “Korrupsion pasiv i personave që ushtrojnë funksione publike” dhe “Shpërdorim detyre” në bashkëpunim.
– Inspektor K. Ç., me detyrë agjent verifikues/trup shërbimi në Komisariatin Rajonal të Policisë Rrugore Tiranë, i dyshuar për “Korrupsion pasiv i personave që ushtrojnë funksione publike” dhe “Shpërdorim detyre” në bashkëpunim.
Arrestimi i tyre u krye pasi këta punonjës policie, duke qenë me shërbim me aparatin shpejtësi matës (Radar) dhe në bashkëpunim me njëri-tjetrin, pasi ndalonin automjete, nuk i ndëshkonin ata me masa administrative sipas parashikimeve të nenit 140 të Kodit Rrugor të Republikës së Shqipërisë, në shkëmbim të vlerave monetare.
Në cilësinë e provës materiale janë sekuestruar dhe vlerat monetare të përfituara nga punonjësit e policisë gjatë ushtrimit të detyrës.
Hetimet vijojnë në bashkëpunim me Prokurorinë pranë Gjykatës së Shkallës së Parë Tiranë, për evidentimin e të gjitha rasteve të ngjashme si dhe identifikimin e punonjësve të tjerë të policisë të përfshirë në këtë veprimtari”-njofton AMP.
