Një nga kritikët më të zhurmshëm të Wall Street-it, senatorja amerikane dhe ish-kandidatja për president, Elizabeth Warren, ka akuzuar institucionet financiare amerikane për ‘minim’ të sanksioneve të vendosura ndaj Moskës nga Uashingtoni dhe aleatët e tij për pushtimin rus të Ukrainës.
“Bankat gjigante të Wall Street-it si JPMorgan dhe Goldman Sachs nuk e humbasin kurrë mundësinë për t’u pasuruar, edhe nëse kjo do të thotë të përfitojnë nga pushtimi rus në Ukrainë dhe të minojnë sanksionet e vendosura ndaj bizneseve ruse”, tha Warren në një deklaratë të lëshuar vonë të premten.
Akuzat u shprehën një ditë pasi Bloomberg raportoi se të dy bankat kishin blerë obligacione siç u kishin kërkuar klientët.
Analistët e JPMorgan raportohet se publikuan një shënim që u kërkon investitorëve të zgjerojnë zotërimet e borxhit të lidhur me Rusinë për të përfituar nga një ‘lojë rikuperimi’.
Tregjet ruse të aksioneve janë zhytur që kur vendi u godit nga sanksionet perëndimore për pushtimin e Ukrainës.
