Zyrtarët amerikanë mbeten të përgatitur për të ndjekur rrugën e diplomacisë me Moskën dhe për t’u angazhuar në dialog, ka zbuluar kryediplomati amerikan, ndërsa trupat ruse vazhdojnë sulmin e tyre ndaj Ukrainës.
Duke folur si pjesë e një interviste me transmetuesin shtetëror britanik BBC të premten, Sekretari i Shtetit Antony Blinken këmbënguli se zyrtarët amerikanë nuk kanë braktisur bisedimet me homologët e tyre rusë.
“Ne gjithmonë do të kërkojmë mundësi për diplomaci dhe për dialog. Varet tërësisht nga presidenti Vladimir Putin dhe nga Rusia”, tha ai.
Sipas Blinken, nëse Moska tregon ‘ndonjë shenjë të gatishmërisë për t’u përfshirë në diplomaci kuptimplote, sigurisht që ne do të angazhohemi’.
“Ne shohim edhe partnerët tanë ukrainas. Ata po flasin me rusët, por kjo nuk po prodhon asgjë,” shtoi ai.
Duke iu përgjigjur nëse Uashingtoni do të ishte i gatshëm të respektonte pretendimet territoriale të Rusisë ndaj Krimesë dhe njohjen e Republikave Popullore të Donetskut dhe Luganskut si sovrane, Blinken tha se do të jetë në dorën e Kievit të vendosë, por SHBA do të mbështesë vendimet e marra nga populli ukrainas. Komentet e tij vijnë pasi ushtria ruse po kryen sulm në vendin e Evropës Lindore.
