Patriarku i Moskës Kirill komentoi në predikimin e tij të djeshëm bombardimet e forcave ruse në qytetet e Ukrainës.
Në veçanti, në predikimin e tij, Patriarku i Moskës tha se për tetë vjet po bëhen përpjekje për të shkatërruar atë që është në fuqi në Donbass, refuzimin e vlerave që vijnë nga perëndimi. Sipas tij, konflikti në Donbass vjen pikërisht nga refuzimi për të bërë parada homoseksuale.
Kirill i quajti ato një “test besnikërie” dhe një shembull i përpjekjes së Ukrainës për të riformuar veten në imazhin kulturor të kombeve të NATO-s.
“Në Donbass ka refuzim, një refuzim themelor i të ashtuquajturave vlera që ofrohen sot nga ata që pretendojnë fuqi botërore. Sot ekziston një test i tillë për besnikërinë e kësaj qeverie, një lloj kalimi në atë botë ‘të lumtur’, botën e konsumit të tepërt, botën e ‘lirisë’ së dukshme. A e dini se çfarë është ky test? Testi është shumë i thjeshtë dhe në të njëjtën kohë i tmerrshëm –një paradë homoseksuale.”- thotë Kirill, citon Orthodoxtimes.com.
Dhe Kirill vazhdon: “Kërkesat e shumë njerëzve për të mbajtur një paradë homoseksuale janë një provë e besnikërisë ndaj asaj bote shumë të fuqishme; dhe ne e dimë se nëse njerëzit ose vendet i refuzojnë këto kërkesa, atëherë ata nuk hyjnë në atë botë, ata bëhen të huaj për të.”
Që në fillim të luftës në Ukrainë, Patriarku Kirill ka qenë nën presion për të dënuar veprimet e qeverisë së Vladimir Puninit. Por me deklaratat e tij, ai shpesh jepte përshtypjen se “inkurajonte” veprimet e presidentit Putin.
