Covid-19 mund të shkaktojë tkurrje të trurit dhe dëmtim të indeve, me disa pacientë që përjetojnë degjenerim të trurit tre herë më shumë se ata që nuk janë prekur nga virusi, sipas një studimi të Universitetit të Oksfordit të botuar të hënën.
Studimi përfshiu 785 pjesëmarrës në Mbretërinë e Bashkuar të moshës midis 51 dhe 81 vjeç, të cilët të gjithë kishin dy skanime të trurit me afërsisht tre vjet largësi. 401 prej këtyre pjesëmarrësve u infektuan me variantin ‘Alfa’ të Covid-19 dhe bënë skanimin e dytë të trurit rreth katër muaj pas diagnozës së tyre.
Këta pacientë me Covid pësuan një humbje mesatare prej 0,7% të vëllimit të trurit në zonat që lidhen me nuhatjen në krahasim me ata që nuk u prekën nga virusi. Mesatarisht, këto zona tkurren me 0,2% deri në 0,3% në vit respektivisht tek njerëzit e moshës së mesme dhe të moshuar, që do të thotë se ata me Covid-19 mund të kenë përjetuar tre herë më shumë se norma normale e degjenerimit të trurit.
Ata që kishin Covid-19 gjithashtu iu desh më shumë kohë për të përfunduar testet njohëse, ndërsa një numër i vogël i pacientëve në studim që u shtruan në spital përjetuan një reduktim më të madh të lëndës gri dhe rënie më të theksuar njohëse.
U vunë re dëmtime në korteksin orbitofrontal dhe gyrusin parahipokampal – dy rajone të trurit që luajnë role kyçe në kodimin dhe rikthimin e kujtesës – të pacientëve me Covid, dhe gjithashtu u regjistrua një reduktim global i vëllimit të trurit.
Shkencëtarët kanë paralajmëruar se është ende e paqartë nëse dëmtimi i këtyre zonave të trurit që kodojnë kujtesën rezultoi në një humbje të kujtesës në botën reale.
“Asnjë prej tyre nuk mori një test të plotë kognitiv për të ditur nëse kishte deficite të konsiderueshme në këto shumë rajone ku u gjetën këto ndryshime në vëllim,” i tha New York Times Dr. Benedict Michael, një profesor i asociuar i infeksioneve neurologjike në Universitetin e Liverpool-it.
