Facebook e Instagram kanë pohuar se gjuha e urrejtjes që bën thirrje për dhunë tani është e lejueshme në Facebook dhe Instagram për sa kohë që objektivat janë rusë dhe tema e bisedës lidhet me ofensivën ushtarake të Moskës në Ukrainë.
Rregullat e rishikuara mbi dhunën dhe nxitjen do të zbatohen në disa vende si Ukraina dhe Polonia dhe do të lejojnë retorikë të dhunshme kundër rusëve dhe ushtarëve rusë.
Ndryshimi i politikës u raportua fillimisht nga Reuters të enjten, duke cituar emailet e brendshme nga Meta Platforms, kompania mëmë e Facebook dhe Instagram. Titulli fillestar i Reuters ishte: “Facebook dhe Instagram të lejojnë përkohësisht thirrjet për dhunë kundër rusëve”, megjithëse më vonë u ndryshua në “Facebook lejon përkohësisht postimet mbi luftën në Ukrainë që bëjnë thirrje për dhunë kundër rusëve pushtues ose vdekjen e Putinit”.
“Si rezultat i pushtimit rus të Ukrainës, ne kemi lejuar përkohësisht forma të shprehjes politike që normalisht do të shkelnin rregullat tona si fjalimi i dhunshëm, si ‘Vdekje pushtuesve rusë’, tha zëdhënësi i Meta-s, Stone.
“Ne ende nuk do të lejojmë thirrje të besueshme për dhunë kundër civilëve rusë”, shtoi ai.
Sipas Reuters, duke cituar emailet e dërguara moderatorëve të përmbajtjes, platformat thuhet se do të përmbahen nga censurimi i postimeve që bëjnë thirrje për vdekjen e presidentit rus Vladimir Putin ose presidentit bjellorus Alexander Lukashenko. Një mesazh supozohet se i këshilloi moderatorët se duhet të lejojnë thirrjet për vrasjen e Putinit ose Lukashenkos për sa kohë që postimet nuk përmendin objektiva të tjerë.
Një nga emailet e cituara nga Reuters pretendohej të sqaronte se do të ishte gjithashtu e lejueshme që të synoheshin rusët në përgjithësi ‘ku është e qartë se konteksti është pushtimi rus i Ukrainës’.
