Që kur trupat ruse pushtuan Ukrainën më 24 shkurt, janë zhvilluar disa raunde negociatash midis delegatëve nga Kievi dhe Moska.
Është e vështirë të vlerësohet se sa përparim është bërë në diskutimet deri tani.
Në fillim të kësaj jave, Financial Times zbuloi një plan të mundshëm paqeje prej 15 pikash, i cili do të përfshinte heqjen dorë nga ambiciet e e Ukrainës për t’u bashkuar me NATO-n dhe premtimin për të mos pritur baza ushtarake të huaja apo armatim në këmbim të mbrojtjes perëndimore.
Dhe negociatori kryesor i Rusisë tha të premten se Moska dhe Kievi i kishin afruar pozicionet e tyre “sa më afër që të ishte e mundur” për një propozim që Ukraina të bëhet një shtet neutral.
Por ukrainasit kanë qenë më të dobët në vlerësimin e tyre për gjendjen e bisedimeve, shkruan BBC. Mikhailo Podolyak, një këshilltar i presidentit Volodymyr Zelensky i cili po merr pjesë në negociata, tha se pozicioni i vendit të tij nuk kishte lëvizur.
“Statusi i negociatave. Deklaratat e palës ruse janë vetëm qëndrimet e tyre kërkuese.”- shkroi ai në Twitter.
Ndërkohë ish-kryeministri rus, Mikhail Kasyanov, i tha BBC-së të premten se presidenti Vladimir Putin nuk ishte “serioz” në lidhje me bisedimet e paqes dhe nuk kishte gjasa të ofronte ndonjë zgjidhje për konfliktin “që do të ishte komode për popullin ukrainas”.
