Rregullatorët financiarë të Bashkimit Evropian kanë lëshuar një paralajmërim për mungesën e rregulloreve dhe mbrojtjeve të ofruara për kriptomonedhat, duke thënë se investitorët ‘përballen me mundësinë për të humbur të gjitha paratë e tyre të investuara nëse blejnë këto asete’.
Deklarata shpjegon se kriptovalutat janë ‘shumë të rrezikshme dhe spekulative’ dhe ‘të papërshtatshme për shumicën e konsumatorëve me pakicë’, pasi shumë njerëz u drejtohen monedhave dixhitale si një mënyrë për të investuar.
“Konsumatorët përballen me mundësinë reale për të humbur të gjitha paratë e tyre të investuara nëse blejnë këto asete; duhet të jenë të kujdesshëm ndaj rreziqeve të reklamave mashtruese, duke përfshirë nëpërmjet mediave sociale dhe ndikuesve; dhe duhet të jenë veçanërisht të kujdesshëm ndaj kthimeve të premtuara të shpejta ose të larta, veçanërisht ato që duken shumë të mira për të qenë të vërteta.” – shkruan në një deklaratë Autoriteti Evropian i Letrave me Vlerë dhe Tregjeve.
Ndërsa konflikti i vazhdueshëm në Ukrainë vazhdon të rezultojë në sanksione të forta ndaj Rusisë, kriptot janë vënë në qendër të vëmendjes si një nga disa mënyra të mundshme që Rusia mund t’i shmangë pjesërisht ato, ndërsa Ukraina ka marrë një mori donacionesh përmes kriptove për të ndihmuar civilët dhe financuar mbrojtjen.
Ndërsa është pothuajse e pamundur të dihet shtrirja e plotë e veprimtarive të paligjshme të financuar nga kriptot, një studim zbuloi se rreth një e katërta e të gjithë përdoruesve të Bitcoin janë të përfshirë në veprimtari të paligjshme në vitin 2019, megjithëse analiza të tjera kanë gjetur se ky numër është vetëm 0.62 për qind dhe pretendojnë se ky rast përdorimi është mbivlerësuar shumë.
