Pfizer po tërheq barna për presionin e gjakut në mbarë SHBA-në për shkak të niveleve më të larta se të pranueshme të një nitrosamine të lidhur me rrezikun e mundshëm të kancerit.
Prodhuesi i barnave tha të hënën se po tërhiqte disa lloje tabletash Açuretic, një sasi tabletash quinapril dhe hidroklorotiazide dhe tableta quinapril HCI/hidroklorotiazide, të cilat shërbejnë për trajtimin e hipertensionit.
Nitrozaminat janë të zakonshme në ujë dhe ushqime, duke përfshirë mishin e pjekur dhe të pjekur në skarë, produktet e qumështit dhe perimet, që do të thotë se pothuajse të gjithë janë të ekspozuar ndaj një niveli të kimikatit, tha Pfizer. ‘Papastërtitë’ mund të rrisin rrezikun e kancerit nëse njerëzit ekspozohen ndaj tyre mbi nivelet e pranueshme për periudha të gjata kohore, thotë hulumtimi.
Pfizer thotë se beson se përfitimi i medikamenteve të tij të tërhequra për uljen e presionit të gjakut tejkalon rrezikun që lidhet me nitrozaminën që gjendet në to (në këtë rast, N-nitroso-quinapril), bazuar në të dhënat e disponueshme tani për tani.
Ai gjithashtu thotë se nuk është në dijeni të ndonjë raporti të ngjarjeve anësore të lidhura me medikamentet e tërhequra deri më sot.
“Produktet kanë një profil sigurie që është krijuar gjatë 20 viteve të autorizimit dhe përmes një programi të fuqishëm klinik,” thuhet në deklaratën e Pfizer.
“Megjithëse gëlltitja afatgjatë e N-nitroso-quinapril mund të shoqërohet me një rrezik potencial në rritje të kancerit tek njerëzit, nuk ka asnjë rrezik të menjëhershëm për pacientët që marrin këtë mjekim. Pacientët që marrin këtë bar duhet të këshillohen me mjekun e tyre për mundësi të tjera trajtimi të hipertensionit.” – vijon deklarata.
Kompania thotë se Administrata Amerikane e Ushqimit dhe Barnave është në dijeni të tërheqjes.
