Nga data 3 prill e diela e parë e çdo muaji do jetë ditë pa makina.
Qeveria në kuadër të masave për kursimin e karburanteve ka vendosur që të bëjë një të dielë në muaj pa makina.
Ministrja e Mjedisit, Mirela Kumbaro tha se dikasteri që drejton i ka dërguar udhëzimin Prefektëve dhe Bashkive të vendit që të marrin masat për zbatimin e këtij udhëzimi.
“Krizën energjitike, si një kronikë të paralajmëruar jo shumë kohë më parë, fatkeqësisht po e ndjejmë pa dallim. Ngjarjet e fundit kanë vënë në vështirësi të gjitha ekonomitë globale dhe xhepat e çdo familjeje, sigurisht që pasojat po ndihen edhe në vendin tonë. Reagimi ka qenë i shpejtë, ku qeveria me ngritjen e Bordit të Transparencës po luan rolin vendimtar në shmangien e abuzimit me çmimin e karburanteve dhe të produkteve të shportës, me qëllim mbrojtjen e çdo qytetari. Angazhim ky që do të vazhdojë pa rreshtur, por nga ana tjetër sa i takon krizës së karburanteve kërkon mirëkuptimin e tonë në reduktimin e lëvizjeve me automjete sa më shumë të kemi mundësi. Dhe nëse s’mund ta shmangim ndezjen e makinës çdo ditë, të paktën ta fillojmë nga ditët e pushimit. Prandaj e nisim planin e Ditës pa Makina nga e diela e parë e çdo muaji, duke filluar prej datës 3 prill”, tha gjatë njoftimit Kumbaro.
Duke folur për nismat e qeverisë për monitorimin e çmimeve, Kumbaro ftoi qytetarët që t’i bashkohen kësaj lëvizjeje për të kontribuar në kursimin e karburantit, për një mjedis më të pastër dhe për më shumë aktivitete dedikuar fëmijëve. Ministrja njoftoi se puna ka nisur nga dita e sotme në koordinim me prefektët dhe me kryetarët e bashkive.
“Sot Udhëzimi i Ministrisë së Turizmit dhe Mjedisit për organizimin e Ditës pa Makina në koordinim me institucionet e tjera dhe në përputhje me të gjitha ligjet dhe parimet e Kodit Rrugor, u është shpërndarë pefektëve dhe kryetarëve të bashkive, në mënyrë që të jemi në kohë për një organizim sa më të mirë. Ftoj secilin prej jush që në qytetet tuaja të bëheni partnerë të kësaj nisme: për kursim, për mjedis më të pastër, për shëndet. Janë angazhime konkrete që përmirësojnë jetën tonë këtu, për t’u lënë fëmijëve një qytet më të pastër, një mjedis prej të cilit mos të na vijë turp që nuk arritëm t’ua lëmë trashëgim më të mirë nga ç’e gjetëm ne
