Ambasadori gjerman Jorn Rohde ka njoftuar se shteti i tij po investon mbi 60 milionë euro për energjinë diellore në Kosovë. Rohde është shprehur se kjo po bëhet për të mbështetur tranzicionin botëror të energjisë.
Për projektin “Solar4Kosovo” të mërkurën u diskutua në një takim mes kryeministrit Albin Kurti dhe disa nga ministrat e tij qeveritar, me ambasadorin e Gjermanisë në Kosovë, Joern Rohde, dhe përfaqësuesit e Bankës Gjermane për Zhvillim.
Ky projekt është vlerësuar të jetë një nga termocentralet më të mëdha diellore në Evropë e që do të jetë bashkëdyzim i dy komponentëve, distriktit solar të ngrohjes (Termokos) dhe fuqisë fotovoltaike (KEK).
Me këtë projekt sistemit të ngrohjes së Prishtinës do t’i shtohen rreth 70 MW.
Ky projekt pritet të kushtojë 64 milionë euro dhe do të financohet nga Republika Federale e Gjermanisë dhe Banka Evropiane për Rindërtim dhe Zhvillim dhe se projekti përfshinë ndërtimin e kolektorëve diellorë prej përafërsisht 69.000 m2.
“Me masat për zgjerimin e rrjetit që synojnë shpërndarjen e nxehtësisë nga sistemi termik diellor, në rrjetin e ngrohjes qendrore do të kyçen deri në 12.000 familje ose 60.000 banorë. Projekti do të reduktojë kërkesën për energji elektrike për qëllime ngrohjeje dhe do ta rris cilësinë e ajrit, me rreth 40.000t kursime të dioksidit të karbonit në vit”, thuhet në komunikatë.
Kurti njoftoi që në mbledhjen e sotme Qeveria mori vendim që t’i japë Ndërmarrjes Publike “Termokos” në shfrytëzim 4 parcela për realizimin e këtij projekti. Qeveria ka miratuar edhe këmbimin e paluajtshmërive në mes të Qeverisë së Kosovës dhe Komunës së Obiliqit për nevoja të sigurimit të lokacionit për realizimin e Projektit të Ngrohjes Diellore “Solar4Kosovo’’.
Kurse, ambasadori gjerman Jorn Rohde ka njoftuar se shteti i tij po investon mbi 60 milionë euro për energji diellore në Kosovë.
“I lumtur që po nisim investimin në energji diellore për Kosovën me një investim prej 60.6 milionë euro nga Gjermania bashkë me kryeministrin Albin Kurti”, ka theksuar ai.
Projekti do të financohet nga Republika Federale e Gjermanisë dhe Banka Evropiane për Rindërtim dhe Zhvillim.
Ky projekt mes tjerash, përfshinë ndërtimin e kolektorëve diellorë prej përafërsisht 69 mijë metra katrorë.
Me masat për zgjerimin e rrjetit që synojnë shpërndarjen e nxehtësisë nga sistemi termik diellor, në rrjetin e ngrohjes qendrore do të kyçen deri në 12 mijë familje ose 60 mijë banorë.
Po ashtu, projekti do të reduktojë kërkesën për energji elektrike për qëllime ngrohjeje dhe do ta rris cilësinë e ajrit, me rreth 40 mijë tonelata kursime të dyoksidit të karbonit në vit.
VINI RE: Ky material është pronësi intelektuale e Monitor
