Dëmet në infrastrukturën e Ukrainës nga lufta janë afër 63 miliardë dollarë, thanë të premten ekspertët ukrainas.
Që nga fillimi i luftës më 24 shkurt, dëmi në infrastrukturën ukrainase është 62.88 miliardë dollarë me 3.5 miliardë dollarë nga kjo shifër që ndodhën javën e kaluar, sipas një raporti nga Shkolla e Ekonomisë e Kievit.
Ekspertët llogaritën se më shumë se 8,000 rrugë, 260 ura, 4,431 rezidenca, 92 fabrika ose ndërmarrje, 378 institucione arsimore, 138 objekte shëndetësore, dy porte, tetë aeroporte civile dhe 10 ushtarake, si dhe tetë termocentrale, përfshirë një central bërthamor, u dëmtuan ose shkatërruan nga ushtria ruse.
Të paktën 1,081 civilë janë vrarë në Ukrainë dhe 1,707 janë plagosur, sipas vlerësimeve të OKB-së, ndërsa paralajmërojnë se shifra e vërtetë ka të ngjarë shumë më e lartë.
Më shumë se 3.7 milionë ukrainas kanë ikur në vendet fqinje, me mbi 6.5 milionë të zhvendosur brenda vendit, sipas agjencisë së OKB-së për refugjatët.
