Sipas analistes të CNN, Asha Rangappa, kaosi në Teatrin Dolby pasi Will Smith goditi Chris Rock-un gjatë ceremonisë të çmimeve vjetore të Akademisë, ka të bëjë me ish-presidentin Donald Trump.
Smith goditi Rock në fytyrë gjatë ndarjes së çmimeve Oscar të dielën mbrëma, pasi komediani bëri një shaka për flokët e gruas së aktorit të “King Richard”, Jada Pinkett Smith.
Megjithëse incidenti tronditi turmën, shfaqja vazhdoi dhe Smith fitoi çmimin për aktorin më të mirë.
Rangappa vendosi që turma kinematografike të qëndronte ulur pas sulmit të Smith për shkak të Trump.
“Pra, a u largua dikush pasi ndodhi kjo?” ka postuar ajo në Twitter. “Apo po marrim një rast studimi të pavarur psikologjik se si u normalizua Trump?”, shkruan Newsmax.
Përdoruesi i Twitter Penni W. iu përgjigj postimit të Rangappa-s, duke thënë: “Unë do të isha larguar. Është e pabesueshme që askush nuk protestoi.”
RobertC tha, “Mashkuliteti toksik në shfaqje të plotë“.
Megjithatë, disa përdorues të Twitter menduan se lidhja që bën Rangappa ishte e dobët në rastin më të mirë.
“Shko fli” shkruan Guillermina Rollin. “Gjithçka nuk ka të bëjë me Trump”.
Ndërsa Jack Saint shkruan: “Vetëm një agjent federal mund të mendojë kështu”.
Sipas profilit të saj në Twitter, Rangappa është një ish-agjente speciale e FBI-së.
Dymbëdhjetë orë pas postimit të saj fillestar duke iu referuar Trumpit, Rangappa shkroi në Twitter “Emailet e urrejtjes nga MAGA [Make America Great Again] kanë filluar, gjë që më lë të kuptoj se postimi i mëposhtëm ka hyrë në ekosistemin “Breitbart”.
“Pjesa e trishtueshme është se ata janë aq budallenj sa nuk e kuptojnë se nuk po e krahasoj Smithin me Trump, por po krahasoj audiencën me ta”.
Vitin e kaluar, Rangappa krahasoi një pilot të Southwest Airlines me një simpatizant të ISIS-it, raporton The Daily Wire. Sipas një gazetari të Associated Press që thuhet se ishte në bord, një pilot në një fluturim nga Hjustoni në Albuquerque mbylli komunikimin e tij nga kabina me frazën “Ecim Brandon”,
Fraza është bërë kod në mesin e kritikëve të presidentit Joe Biden dhe shërben si një version i një mesazhi grotesku për presidentin.
