Të shtëna me armë zjarri janë raportuar mesditën e sotme në aksin rrugor Elbasan-Papër.
Mësohet se është qëlluar nga një automjet në ecje e sipër drejt një makine me targa të vjedhura.
Ty dy automjetet janë larguar ndërsa nuk dihet nëse ka pasur të lënduar.
Sipas burimeve zyrtare nga policia, rreth orës 17:35, në aksin rrugor Elbasan-Peqin, tek kryqëzimi i Urës së Zezë, janë dëgjuar të shtëna me armë zjarri.
Pak metra më poshtë vendit ku janë dëgjuar të shtënat është gjendur i braktisur mjeti tip B.M.W, ngjyrë e zezë, me xhama të thyer e goma të shpuara, si dhe targat janë deklaruar të vjedhura në Durrës më datë 18.04.2021. Mjeti është i braktisur.
Deri më tani nuk kemi të dhëna për dëme në njerëz. Shërbimet e Policisë ndodhen në vendngjarje dhe po krehin zonën si dhe po punohet për dokumentimin e plotë të ngjarjes.
