Një aksident ka ndodhur në Tiranë, ku dy makina janë përplasur me njëra tjetrën në afërsi të Pallatit të Brigadave.
Nga aksidenti janë plagosur 3 persona të cilët janë dërguar në spital jashtë rrezikut për jetën.
Në foton e publikuar nga Syri.net shihet se aksidenti ka ndodhur te nënkalimi i rrugës Kuvajt.
“Një aksident me pasojë tre persona të lënduar ka ndodhur pasditen e së enjtes pranë Pallatit të Brigadave në Tiranë.
Sipas policisë, janë përplasur mjeti me drejtues shtetasin D. P., dhe mjeti me drejtues shtetasin A. S.
Dy drejtuesit e mjeteve dhe pasagjerja që ndodhej në mjetin me drejtues shtetasin D. P., shtetasja M. C., janë dërguar për kontroll në spital dhe ndodhen nën kujdesin e mjekëve, jashtë rrezikut për jetën”-njofton policia.
