Udhëheqësi suprem i talebanëve Mullah Hibatullah Akhundzada ka nxjerrë jashtë ligjit kultivimin e opiumit duke përmbushur premtimin e tij për ndalimin e lëndës narkotike, të bërë pas marrjes së pushtetit vitin e kaluar. Afganistani vlerësohet se zë 90% të tregtisë globale të opiumit në vitin 2021.
“Nëse dikush e shkel dekretin, të korrat do të shkatërrohen menjëherë dhe shkelësi do të trajtohet sipas ligjit të Sheriatit”, shkroi në Twitter të dielën zëvendës zëdhënësi i talebanëve, Inamullah Samangani.
Gjithashtu, qeveria e drejtuar nga talibanët ka ndaluar edhe konsumimin, transportin, shitjen, eksportin dhe importin e të gjitha llojeve të drogës dhe alkoolit.
Talibanët kanë pritur rezistencë të ashpër brenda grupit kundër ndalimit dhe thuhet se ka pasur një rritje të numrit të fermerëve që kultivojnë lulëkuqen (burimi i lëngut që përpunohet në morfinë dhe heroinë), në muajt e kaluar, sipas burimeve të Reuters në grupin militant.
Të dielën, fermerët afganë mblodhën të korrat e tyre të para të opiumit të sezonit në provincën jugore të Helmandit, në qendrën politike të Talibanëve. Çmimet e lulëkuqes janë më shumë se dyfishuar përpara thashethemeve se do të pasonte një ndalim, sipas një fermeri anonim në provincë që ka folur për Reuters.
Çdo shtypje e kultivimit të lulëkuqes pritet të godasë fermerët. Gushtin e kaluar, talebanët u lutën për “ndihmë ndërkombëtare” për t’u ofruar atyre kultura alternative për fushat e lulëzuara me lulekuqe. Kombet e Bashkuara janë përgjigjur duke bërë thirrje për veprim në lidhje me premtimet.
Pas kthimit në pushtet pasi pushtuan kryeqytetin Kabul vitin e kaluar, talebanët njoftuan se qeveria e tyre do t’i kthehej politikës së saj të tolerancës zero ndaj drogës.
90% e opiumit dhe heroinës në botë vitin e kaluar erdhi nga Afganistani. Me prodhimin dhe eksportet e përqendruara në zonat e kontrolluara nga talebanët, grupi militant mendohet se ka taksuar drogën gjatë kryengritjes së tyre 20-vjeçare.
Zëvendëskryeministri Abdul Salam Hanafi ka kundërshtuar pretendimet se talebanët kanë ndihmuar në kultivimin e lulekuqes, duke thënë të dielën “Si u eksportua në të gjithë botën kur ata (forcat e udhëhequra nga SHBA) kishin kontroll të plotë mbi Afganistanin?“
Zyrtarët e OKB-së raportuan se talebanët ka të ngjarë të kenë fituar më shumë se 400 milionë dollarë midis 2018 dhe 2019 nga droga. Sasia e tokës së mbjellë me lulëkuqe arriti një rekord të lartë në vitin 2017 dhe ka qenë mesatarisht rreth 250,000 hektarë në katër vitet e fundit, afërsisht katër herë më shumë se niveli i mesit të viteve 1990, tregojnë shifrat e OKB-së.
OKB-ja pret që një vend tjetër në Azi të rrisë kultivimin e lulekuqes, Mianmari, i cili ishte prodhuesi më i madh i heroinës në botë në vitet 1980, përpara se Afganistani me kosto më efikase të merrte pushtetin.
