Policia ka dhënë informacionet e para zyrtare lidhur me vrasjen e ndodhur në aksin Tiranë-Durrës.
Sipas njoftimit vrasja ka ndodhur në rrethana ende të paqarta.
Drejt mjetit tip “Land Rover” është qëlluar me armë zjarri dhe për pasojë ka ndërruar jetë drejtuesi i saj ende i pa identifikuar.
“Më datë 03.04.2022, në autostradën Tiranë-Durrës, përballë DHL-së, në rrethana ende të paqarta, është qëlluar me armë zjarri drejt një automjeti tip “Land Rover” dhe si pasojë ka ndërruar jetë drejtuesi i mjetit, ende i paidentifikuar.
Shërbimet e Policisë kanë shkuar menjëherë në vendngjarje dhe po vijojnë krehjen e zonës me qëllim kapjen e autorit/ëve.
Në bashkëpunim me DVP Durrës, Elbasan e Lezhë janë ngritur menjëherë pika kontrolli në rrugët interurbane.
Grupi hetimor po punon për sqarimin e plotë të rrethanave të ngjarjes dhe për fiksimin e çdo prove të vlefshme që mund të çojë në identifikimin e autorëve”-njofton policia.
