Një burrë ka përplasur makinën në gardhin e ambasadës ruse në Bukuresht, më pas u lye me benzinë dhe i vuri flakën vetes.
Ngjarja e rëndë ka ndodhur të mërkurën në mëngjes.
Ai thuhet se u gjet i vdekur brenda automjetit të djegur kur mbërritën shërbimet e urgjencës. Mediet rumune cituan burimet hetimore të thoshin se veprimet e tij ishin “të qëllimshme”.
Siç shkruan RT, shoferi është identifikuar si Bogdan Draghici. Ai ishte dënuar me më shumë se 15 vjet burg të martën për abuzim me vajzën e tij dhe më parë i ishte ndaluar të largohej nga vendi. Draghici sipas G4 është kryetar i Shoqatës TATA, e cila mbron të drejtat e baballarëve.
Un șofer a murit după ce a intrat cu mașina în gardul Ambasadei Rusiei la București. Autoturismul a luat foc.
Circulația rutieră este blocată pe artera care a avut loc accidentul, la fața locului sunt prezente multe echipaje de la brigada antitero, dar și polițiști și jandarmi. pic.twitter.com/UtBYViTQvw
— Marius Daniel (@MariusD78953735) April 6, 2022
Draghici protestoi kundër fushatës ushtarake të Rusisë në Ukrainë, duke shkruar në Facebook dy ditë para incidentit jashtë ndërtesës së ambasadës: “Edhe unë jam ukrainas! Do të ishte mirë nëse të gjithë do ta konsideronim veten ukrainas derisa kjo luftë e tmerrshme, e cila e vë tërë njerëzimin në rrezik vdekjeprurës, të përfundojë përfundimisht!”
Draghici shkruante se kishte vizituar Kievin, kryeqytetin e Ukrainës, në vitin 2019.
Ambasada publikoi një deklaratë, duke thënë se ishte “përtej çdo dyshimi se shoferi ishte i ndikuar nga histeria anti-ruse” e shkaktuar nga akuzat për krime lufte në Ukrainë. Moska ka mohuar që ushtarët e saj po vrasin civilë dhe e ka akuzuar Kievin për mashtrim të publikut.
Misionet ruse jashtë vendit janë bërë objektiva të protestave që kur Moska nisi një sulm kundër Ukrainës në shkurt. Edhe muajin e kaluar, një burrë përplasi një kamion në portën e Ambasadës Ruse në Dublin, Irlandë.
