Mimi Reinhardt, e cila ndihmoi industrialistin gjerman Oskar Schindler të përpilonte listat e tij të famshme që shpëtuan qindra hebrenj gjatë Holokaustit, ka ndërruar jetë në moshën 107-vjeçare.
E lindur në Austri, Reinhardt ishte vetë hebreje dhe ishte e punësuar nga Schindler, duke punuar si sekretare e tij deri në vitin 1945. Ajo ishte personi që hartoi disa lista të punëtorëve hebrenj nga getoja e qytetit polak të Krakovës.
Këta individë u rekrutuan më pas si punëtorë në fabrikën e Shindlerit, gjë që i shpëtoi ata nga dëbimi në kampet naziste të vdekjes. Skema ndihmoi afërsisht 1300 njerëz të mbijetonin nga Holokausti, me Shindlerin dhe sekretarin e tij që vunë në rrezik jetën e tyre.
Ky episod dramatik u portretizua në romanin e Thomas Keneally të vitit 1982 ‘Arka e Shindlerit’ dhe në përshtatjen e filmit të vlerësuar të vitit 1993 nga Steven Spielberg, ‘Lista e Schindleriy’.
Në vitin 1993, Schindler, i cili vdiq në vitin 1974, u njoh nga Muzeu i Holokaustit Yad Vashem i Izraelit si një nga ‘Të Drejtët mes Kombeve’ – johebrenj që rrezikuan jetën e tyre për të shpëtuar hebrenjtë gjatë Holokaustit.
Sa i përket Reinhardt, ajo u zhvendos në Nju Jork pas Luftës së Dytë Botërore dhe jetoi atje deri në vitin 2007, kur u zhvendos në Izrael, duke u bashkuar me djalin e saj atje. Ajo i kaloi vitet e saj të fundit në një shtëpi pleqsh në afërsi të Tel Avivit.
