Bashkëthemeluesi i PayPal, Peter Thiel, ka akuzuar disa nga figurat më të shquara financiare amerikane se po përpiqen të bllokojnë kriptovalutat jashtë rrjedhës kryesore.
Duke folur në konferencën e Bitcoin 2022 në Miami Beach, Thiel tha se Warren Buffett i Berkshire Hathaway ishte ‘armiku numër një’. Ai e përshkroi ikonën e investimit si një ‘gjysh sociopatik nga Omaha’.
Më pas në listën kripto-jomiqësore janë shefi ekzekutiv i JPMorgan, Jamie Dimon dhe CEO i BlackRock, Larry Fink.
“Këta emra në listën time pengojnë përparimin e Bitcoin. Këto janë gjërat për të cilat duhet të luftojmë që Bitcoin të shkojë 10x ose 100x nga këtu.” – tha Thiel, i cili ka pohuar se monedhat dixhitale mund të zëvendësojnë sistemin e tanishëm financiar.
Biznesmeni gjithashtu argumentoi se investitorët tradicionalë duhet të vendosin para në Bitcoin.
“Kur ata zgjedhin të mos alokojnë për Bitcoin, kjo është një zgjedhje thellësisht politike dhe ne duhet t’u kundërvihemi atyre.” – tha ai.
