Guvernatori i rajonit metropolitan të Santiagos, Claudio Orrego ka njoftuar një plan të paprecedentë të racionimit të ujit për të shmangur katastrofën, pasi Kili po përjeton një thatësirë prej më shumë se një dekade dhe kryeqyteti i vendit po përballet me mundësinë e shkëputjes nga uji.
“Një qytet nuk mund të jetojë pa ujë. Dhe ne jemi në një situatë të paprecedentë në historinë 491-vjeçare të Santiagos, ku duhet të përgatitemi që të mos ketë ujë të mjaftueshëm për të gjithë ata që jetojnë këtu. Kjo është hera e parë në histori që Santiago ka një plan racionimi të ujit për shkak të ashpërsisë së ndryshimeve klimatike. Është e rëndësishme që qytetarët të kuptojnë se ndryshimi i klimës. Nuk është vetëm globale, është lokale“, tha guvernatori në një konferencë për shtyp të hënën.
Plani i guvernatorit përmban një skenar me shumë protokolle. Protokolli i gjelbër do të kërkojë prioritizimin e përdorimit të ujërave nëntokësore. Një protokoll i verdhë nënkupton reduktimin e presionit të rrjedhjes së ujit dhe, sipas protokollit të të kuq, aksesi i ujit do të kufizohet për rreth 1.7 milionë banorë metropolitane. Ndërprerjet e ujit mund të zgjasin deri në 24 orë.
Sistemi i alarmit bazohet në matjen e kapacitetit të lumenjve Maipo dhe Mapocho, të cilët kanë ushqyer kryeqytetin kilian me furnizim me ujë. Në dekadën e fundit, Maipo dhe Mapocho kanë parë ulje të nivelit të ujit për shkak të thatësirave që kanë pllakosur vendin trans-Andean.
Mbi tre të katërtat e Kilit janë prekur nga thatësira dhjetëvjeçare. Si rezultat, kombi i Amerikës së Jugut po përjeton krizën më të keqe të ujit në të gjithë hemisferën perëndimore.
Ekspertët fajësojnë mungesën e ujit për shkak të mungesës të reshjeve, por edhe për regjimin e pronësisë së ujit, i vendosur në vitin 1981. Kodi i Ujit i ish-diktatorit Augusto Pinochet dha gati 80% të burimeve ujore të vendit për bujqësi, energji dhe minierat private.
