I dyshuari që hapi zjarr në një metro në Bruklin dhe la 29 të plagosur, 10 prej tyre të qëlluar, është arrestuar, thanë burimet e zbatimit të ligjit për The Post të mërkurën.
Frank James, 62 vjeç, u etiketua nga policët si personi i vetëm i dyshimtë pasi një burrë me maskë gazi, helmetë dhe jelekë ndërtimi neoni hodhi dy granata tymi dhe hapi zjarr ndaj pasagjerëve teksa udhëtonte me trenin N për në Manhatan pak para orës 8:30 te martën.
James mori me qira një fugon U-Haul të lidhur me sulmin, thanë autoritetet gjatë një konference për shtyp të martën.
I dyshuari kishte postuar disa video të ngarkuara me konspiracion në YouTube, duke kritikuar shërbimet e shëndetit mendor të qytetit, duke u ankuar për çështjet e racës dhe duke folur dhunshëm kundër njerëzve që ai beson se i kishin bërë keq atij.
Ai sulmoi kryebashkiakun Eric Adams në një nga përbuzjet e tij, ku ai pretendon se një luftë racore do të pasojë konfliktin në Ukrainë.
“Është vetëm çështje kohe përpara se këto nëna të bardha të vendosin: “Hej dëgjoni, mjaft është, këta të zinjtë duhet të ikin”, thotë ai.
