Presidenti Vladimir Putin ka se vendet perëndimore kanë dështuar në përpjekjet e tyre për të destabilizuar ekonominë ruse me sanksione.
Në një takim të qeverisë për çështjet ekonomike, Putin ka deklaruar se situata në ekonominë ruse po stabilizohet, kursi i këmbimit të rublës po kthehet në nivelet e fillimit të shkurtit, stoqet e mallrave në zinxhirët e shitjes me pakicë dhe niveli i kërkesës po rikuperohen.
“Rusia, siç e thashë tashmë, i rezistoi këtij presioni të paprecedentë. Situata po stabilizohet, kursi i këmbimit të rublës është kthyer në nivelet e gjysmës së parë të shkurtit dhe mbështetet nga një bilanc objektivisht i fortë pagesash.”– tha ai, sipas TASS.
Putin vuri në dukje se në tremujorin e parë, bilanci pozitiv i pagesave tejkaloi 58 miliardë dollarë, “dhe ky është një maksimum historik”. Paraja e huaj po kthehet në sistemin bankar të vendit, volumi i depozitave të qytetarëve po rritet, shtoi presidenti rus.
Në përgjithësi, ai vuri në dukje se sanksionet e Perëndimit kanë dështuar të thyejnë ekonominë e vendit.
“Qëllimi i sanksioneve ishte minimi i shpejtë i situatës financiare dhe ekonomike në vendin tonë, provokimi i një paniku në tregje, shkaktimi i një kolapsi të sistemit bankar dhe një mungesë në shkallë të gjerë mallrash në dyqane. Por kjo politikë ka dështuar.”– tha presidenti rus.
