Një sulm me bombë jashtë një shkolle djemsh në kryeqytetin afgan Kabul, ka vrarë të paktën gjashtë persona dhe ka plagosur 11 të tjerë. Të paktën sipas informacioneve të tanishme.
BBC raporton se shpërthimet ndodhën në shkollën e mesme Abdul Rahim Shahid në perëndim të qytetit të mbizotëruar nga myslimanët shiitë. Numri i të vdekurve dhe të plagosurve pritet të rritet.
Një qendër shkollimi aty pranë ishte gjithashtu në shënjestër të një sulmi me granatë.
Nuk kishte asnjë pretendim të menjëhershëm të përgjegjësisë, megjithatë militantët e Shtetit Islamik kanë sulmuar zonën në të kaluarën.
Më herët, burime nga spitali Muhammad Ali Jinnah në Kabul i thanë BBC-së se kishin marrë katër trupa të vdekur dhe 19 të plagosur deri më tani nga sulmi në shkollë.
