Presidenti rus Vladimir Putin ka anuluar një sulm ndaj fabrikës së çelikut Azovstal në Mariupol të Detit të Zi. Ai e dha lajmin të enjten gjatë një takimi me Ministrin e Mbrojtjes Sergej Shoigu. Sipas ministrit Shoigu, objekti ende strehon rreth 2 mijë militantë ukrainas, duke përfshirë këtu regjimentin neo-nazist ‘Azov’.
“Ne gjithmonë duhet të mendojmë për ruajtjen e jetës dhe shëndetit të ushtarëve dhe oficerëve tanë.”- i tha Putin shefit të mbrojtjes, duke shtuar se, në këtë rast të veçantë, ata nuk duhet të dërgohen për të sulmuar fabrikën e çelikut.
“Askush nuk duhet të futet në ato katakomba dhe të zvarritet atje nën tokë, në këto objekte industriale.”– tha presidenti rus sipas RT-së. E ndërtuar në kohët sovjetike, fabrika e çelikut Azovstal ka një rrjet të gjerë tunelesh nëntokësore të fortifikuara mirë të ndërtuara për t’i bërë ballë bombardimeve të rënda. Ndihmësi i qeverisë së Republikës Popullore të Donetskut, Yan Gagin, i kishte përshkruar dikur këto tunele si një qytet nëntokësor.
Shoigu i tha Putinit se forcat ruse dhe milicitë e republikave të Donbasit kanë pushtuar plotësisht qytetin e Mariupolit, me përjashtim të kompleksit të uzinës Azovstal.
Shoigu ka thënë gjithashtu se një operacion ushtarak në uzinë mund të përfundojë brenda tre-katër ditëve, me sa duket duke planifikuar të sulmojë objektin. Putin në vend të kësaj ka urdhëruar trupat e tij të “vulosin zonën në mënyrë që një mizë të mos mund të kalojë”.
Presidenti u ka ofruar gjithashtu atyre që janë të vendosur në uzinë një tjetër mundësi për t’u dorëzuar. “T’i ofrohet kujtdo që nuk ka dorëzuar armët ende, ta bëjë këtë.”- i tha ai Shoigut, duke shtuar se Rusia “u garanton atyre jetën si dhe trajtim të denjë sipas të gjitha normave ndërkombëtare”. Putin shtoi se të lënduarit do të marrin gjithashtu “trajtim të kualifikuar mjekësor”.
