Ish-kryeministri Berisha i ka bërë thirrje Departamentit Amerikan të Shtetit që të mos lejojë ndërhyrjet e ambasadores amerikane Kim në proceset gjyqësore e pavarësinë e drejtësisë në Shqipëri.
Në një shënim në Facebook, ai thekson se ndërhyrjet e ambasadores amerikane Kim janë një akt i rëndë e i papranueshëm duke qenë se gjykatat e një vendi prezumohen të pavarura.
Po kështu ai shton më tej se çdo ndërhyrje përbën cenim të hapur të pavarësisë së drejtësisë dhe dhunon ligjet e Kushtetutën e vendit si dhe parimet ndërkombëtare.
Berisha vijon më tej teksa thekson se kur ndërhyrjet në sistemin e drejtësië së një vendi bëhen nga diplomatë të huaj atëherë ato jo vetëm shkelin sovranitetin e vendit po shkelmojnë edhe konventat ndërkombëtare që e ndalojnë rreptësisht këtë gjë.
Më herët Berisha e Kim u përplasën lidhur me vendimin e gjykatës së Tiranës për pranimin e ankimimit të kreut të grupit parlamentar të PD-së Alibeaj ndaj vendimit të gjykatës për të pranuar ndryshimet statutore të Kuvendit të 11 dhjetorit të thirrur nga Foltorja.
Reagimi
“Njoftim Shtypi!
Gjate ketyre diteve, ne konferencat e mia per shtyp, sot paradite dhe te premten e shkuar, kam njoftuar mediat dhe publikun se Znj Kim, ambasadore e SHBA ne Tirane ka nderhyre ne procesin e gjykimit te ankeses se paraqitur kunder vendimit te gjykates se Tiranes per regjistrimin e Statutit te Kuvendit te 11 dhjetorit 2021, ankim i cili eshte ne kundershtim flagrant me kodin e procedures civile dhe praktiken e gjykatave deri me sot.
Per nderhyrjen e saj per kete çeshtje ajo ka kerkuar ndihmen e qeveritareve te rendesishem te Partise Socialiste. Sot fill pas denoncimit tim te kesaj nderhyrje, ambasadorja Kim pranoi permes nje twitter se ka nderhyre ne sistemin e drejtesise.
Duke e konsideruar kete nderhyrje nje akt te rende dhe te papranueshem shtoj se gjykatat prezumohen te jene te pavarura dhe cdo nderhyrje pavaresisht makiazhit perben cenim te hapur te kesaj pavaresie dhe dhunon ligjet e kushtetuten e vendit dhe parimet nderkombetare te drejtesise te pavarur.
Kur presioni dhe nderhyrja vijne nga diplomate te huaj, pervecse shkelin e sovranitetin dhe ligjet e vendit ata shkelmojne gjithashtu dhe konventat nderkombetare qe ndalojne rreptesisht kthimin e diplomateve ne aktore politike.
I bej thirrje Departamentit te Shtetit te mos lejoje nderhyrjet e palejueshme te ambasadores Kim ne proceset gjyqesore dhe pavaresine e drejtesise ne Shqiperi. Sb”
