Izraeli ka goditur dy objektiva, duke përfshirë një fabrikë armësh të Hamasit në Rripin e Gazës, në një hakmarrje të dukshme për një sulm në qytetin izraelit të Sderot nga enklava palestineze.
Të enjten, Forcat e Mbrojtjes izraelite (IDF) thanë se një raketë ishte lëshuar nga territori një natë më parë.
“Si përgjigje, avionët luftarakë sulmuan një objekt nëntokësor që prodhonte përbërës të motorit të raketave. Ky sulm do të shkaktojë dëme të konsiderueshme në procesin e prodhimit të raketave në Rripin e Gazës.” – thuhet në një deklaratë të forcave izraelite.
Përpjekjet e enklavës së kontrolluar nga Hamasi për të rrëzuar avionët kanë dështuar, sipas një zëdhënësi të IDF, por e shtynë Izraelin të kryejë një sulm të dytë, këtë herë duke synuar ‘një kompleks ushtarak të përdorur nga Hamas’.
‘Times of Israel’, duke cituar një deklaratë të mjekëve, raportoi se tre persona kishin marrë trajtim për lëndime të lidhura sulmin nga Gaza.
Hamasi iu përgjigj sulmeve të ushtrisë izraelite duke thënë se kjo do ‘rriste këmbënguljen’ e palestinezëve dhe angazhimin e tyre ‘për të vazhduar luftën’.
Shkëmbimi i zjarrit me sa duket ka shënuar një përshkallëzim të mëtejshëm të tensioneve midis Izraelit dhe Gazës. Në një episod të ngjashëm të martën, IDF-ja goditi disa objektiva në Rripin e Gazës, duke pretenduar se masa ishte në hakmarrje për raketën e lëshuar në Izrael nga enklava palestineze, e para në pothuajse katër muaj.
Incidentet pasojnë disa ditë përplasjesh të dhunshme në kompleksin Temple Mount (siç përmendet nga hebrenjtë) ose kompleksin Al-Aksa (siç referohet nga palestinezët) dhe një seri sulmesh terroriste në Izrael në javët e fundit. Kompleksi ndodhet në Jerusalemin lindor, i cili është pushtuar nga Izraeli që nga viti 1967.
Mali i Tempullit konsiderohet si vendi më i shenjtë në judaizëm, ndërsa Xhamia Al-Aksa në pjesën jugore të kompleksit është vendi i tretë më i shenjtë në Islam.
