Pas raportimeve se Elon Musk mund të jetë afër një marrëveshjeje me bordin e Twitter për të blerë kompaninë, llogaritë e “verifikuara” si të krahut të majtë në platformë përsëri kundërshtuan perspektivën e Musk për të blerë Twitter-in.
“Largimi nga Twitter” filloi të jetë trend menjëherë pas raportimeve të bisedimeve Musk-Twitter. Vëzhguesit vunë re ngjashmërinë me deklaratat nga të majtët se ata do të shpërnguleshin për në Kanada nëse Donald Trump fitonte zgjedhjet në 2016 (pak, nëse ka, e bënë), raporton Breitbart.
Charles Blow, një kolumnist i New York Times, i cili i përshkruan mbështetësit e Trump si “burra të bardhë të zemëruar”, tha se ai do t’i thoshte lamtumirë platformës nëse Musk merr drejtimin.
“Unë nuk do të qëndroj në Twitter nëse Elon Musk e zotëron atë,” tha ish-anëtarja e bordit redaktues të New York Times, Mira Kamdar.
James Fell, një historian, tha se do të largohej nëse Musk zhbllokon Donald Trumpin, i cili u bllokua nga Twitter dhe platforma të tjera të mediave sociale ndërsa ai ishte president, duke çuar në një protestë kundër censurës së Big Tech nga liderët në mbarë botën.
Motherboard, një botim i drejtuar nga Vice e të majtës ekstreme, filloi të përdorte Mastodon, një platformë e decentralizuar e mediave sociale e drejtuar nga progresistë, si një destinacion për të majtët e pakënaqur.
Yvette Nicole Brown, një aktore e lidhur me korporatën Disney, tha se do t’i bashkohej një platforme të quajtur Counter Social.
Me një lëvizje retro, autori Jeff Gibbard sugjeroi që luftëtarët e tjerë të drejtësisë sociale në internet të kthehen në shtëpinë e tyre shpirtërore, platformën e blogjeve Tumblr.
Redaktori ekzekutiv i” Occupy Democrats”, Grant Stern mori një qasje të kundërt, duke paralajmëruar liberalët se do t’ua jepnin platformën “njerëzve të gabuar” nëse largoheshin.
“Ne nuk po largohemi në Kanada. Ende”, tha Stern.
Demokratë të tjerë postuan disa variante të “largimit nga Twitter” ose “lamtumirë Twitter”.
