Gjykatave gjermane nuk u kërkohet më të vërtetojnë që një i dëbuar nga vendi mund të sigurojë një jetesë të qëndrueshme në vendin e tij. Vendimi u mor nga Gjykata Administrative Federale. Vendimi, i dhënë në Leipzig, anuloi një vendim të mëparshëm.
Ndërkohë që autoriteteve u kërkohet ende të përcaktojnë nëse një i dëbuar mund të plotësojë ‘nevojat e tij më themelore për një periudhë të parashikueshme kohore’ përpara se të dërgohet në vendin e tyre të origjinës, ata nuk duhet të sigurojnë që një nivel minimal jetese mund të plotësohet.
Vendimi rrjedh nga rasti i një shtetasi afgan, të cilit nuk iu dha azil në Gjermani. Gjykata Administrative e Manheimit e ndaloi gjithsesi deportimin e tij në Afganistan, duke argumentuar se duke pasur parasysh gjendjen e rëndë të ekonomisë të vendit, do ishte e pamundur që edhe qytetarët më të aftë të plotësonin nevojat e tyre themelore atje. Çështja pritet të rigjykohet këtë muaj për shkak të ndryshimit të situatës ekonomike të sjellë nga kthimi i talebanëve në pushtet.
Megjithatë, ligji evropian nuk kërkon që autoriteti deportues të sigurojë që i dëbuari të ketë një jetesë të qëndrueshme pas kthimit në vendin e tij. Ndalimi i dëbimit mund të sigurohet vetëm nëse kërcënimi për t’u përballur me ‘shkelje të rënda të të drejtave të njeriut’ ndodh në një afërsi të tillë kohore me dëbimin.
“Nëse një i huaj që është i detyruar të largohet nga vendi është në gjendje të përfitojë nga ndihma që do ta parandalojë atë të bëhet i varfër brenda një periudhe kohore të parashikueshme, urdhri i dëbimit mund të hiqet si përjashtim vetëm nëse personi në fjalë kërcënohet duke u përballur me varfërinë së shpejti (pas kthimit).” – thuhet ndër të tjera në vendim.
Së bashku me Suedinë dhe vendet e tjera evropiane, Gjermania ndaloi përkohësisht deportimet në Afganistan kur talebanët rifilluan kontrollin e shtetit në gusht. Vendi fillimisht kishte argumentuar se kjo ishte një ide e keqe, duke vënë në dukje se kjo do të çonte në përpjekjet e më shumë afganëve për të hyrë në mënyrë të paligjshme, por më vonë pati një ndryshim të mendimit.
