Një protestuese e të drejtave të kafshëve, e veshur me një fanellë gjyqtari të NBA-së, u hodh në fushën e një ndeshjeje play-off midis Memphis Grizzlies dhe Minnesota Timberwolves, protesta e tretë në seri brenda 10 ditëve të fundit.
Ajo është identifikuar si Sasha Zemmel, një aktiviste për të drejtat e kafshëve e grupit ‘Vepro kudo’, shkruan Daily Mail.
Organizata jofitimprurëse ka protestuar lidhur me një fermë pulash, në pronësi të ‘Taylor’s Rembrandt Enterprises’, që dyshohet se ka trajtuar një shpërthim të gripit të shpendëve. Virusi shumë ngjitës ka vrarë afërsisht 28 milionë shpendë. Taylor ka një vlerë neto prej 2.5 miliardë dollarësh.
Policia nuk ka thënë nëse Zemmel do të përballet me ndonjë akuzë për shfaqjen e saj. Zemmel veshi një fanellë alternative të gjyqtarit të NBA me numrin 5.3 në anën e pasme për të theksuar ‘5,3 milionë pulat e vrara’ për shkak të virusit, pretendoi organizata.
Incidenti i së shtunës mbrëma ishte protesta e tretë për të drejtat e kafshëve në një ndeshje të Timberwolves të organizuar nga grupi që nga fillimi i serisë së playoff-it.
