Neil Parish, një deputet konservator në Britani, ka dhënë dorëheqjen pasi pranoi se kishte parë dy herë pornografi në Dhomën e Komunëve.
Parish pranoi për BBC se kishte parë pornografi në një “moment çmendurie”, duke thënë se hera e parë ishte aksidentale.
Deputeti 65-vjeçar i Tiverton dhe Honiton u pezullua nga partia e tij të premten për këtë incident. Dorëheqja do të shkaktojë një zgjedhje të pjesshme për vendin në Anglinë jugperëndimore.
Një zëdhënës i konservatorëve Tiverton dhe Honiton tha se ata falënderuan Parish për shërbimin e tij gjatë 12 viteve të fundit.
“Ne mbështesim vendimin e tij për të dhënë dorëheqjen si deputeti ynë i Parlamentit”, tha zëdhënësi.
Fillimisht, tha se do të vazhdojë si ligjvënës i pavarur dhe se “po bashkëpunon plotësisht me çdo hetim”.
Dy deputete e kishin raportuar Parish-in pasi e panë atë duke parë pornografi në Dhomën e Komunëve.
Parish ka përfaqësuar distriktin e tij që nga viti 2010 dhe gjithashtu kryeson Komitetin e Përbashkët të Mjedisit, Ushqimit dhe Çështjeve Rurale.
Ky ishte incidenti i fundit në një seri pretendimesh për sjellje të pahijshme seksuale në politikën britanike.
