Presidenti rus Vladimir Putin ika zhvilluar sot një bisedë telefonike me presidentin francez Emmanuel Macron.
Sipas agjencisë së lajmeve ruse Ria, në këtë bisedë telefonike udhëheqësi rus theksoi se vendet perëndimore mund të ndihmojnë në ndalimin e atyre që ai i konsideron “krime të ushtrisë ukrainase dhe militantëve të batalioneve kombëtare”, por në vend të kësaj vendet e BE-së i “shpërfillin ato”.
Putin gjithashtu informoi kolegun e tij për rrjedhën e operacionit special për të mbrojtur Donbass dhe evakuimin e civilëve nga Azovstal. Përveç kësaj, ai përshkroi qasjet parimore ndaj negociatave me Kievin dhe vuri në dukje se Moska u tregua e hapur për dialog, pavarësisht mospërputhjes së autoriteteve ukrainase.
Macron, nga ana tjetër, shprehu shqetësimin për problemet në sigurinë globale të ushqimit. Putin, në përgjigje, theksoi se situata është e ndërlikuar nga masat e sanksioneve të vendeve perëndimore dhe vuri në dukje rëndësinë e funksionimit të papenguar të infrastrukturës globale logjistike dhe transportit.
