Një hipotezë që sugjeron se farat e jetës mund të jenë sjellë në Tokë nga hapësira ka marrë një nxitje nga një studim i publikuar në fillim të kësaj jave që tregoi se të pesë ‘përbërësit’ kryesorë të nevojshëm për të formuar ADN-në mund të gjenden në asteroidë.
Një grup shkencëtarësh ka zbuluar dy pjesët e fundit të enigmës së ADN-së që nuk ishin vëzhguar më parë në asnjë mostër meteori, sipas një punimi të botuar këtë javë në revistën ‘Nature Communications’ të rishikuar nga kolegët.
ADN-ja dhe ARN-ja, të cilat formojnë bazën gjenetike të të gjitha qenieve të gjalla të njohura në Tokë, përbëhen nga pesë përbërës kryesorë informues të quajtur nukleobaza.
Deri më tani, shkencëtarët kishin mundur të gjenin tre nga pesë në mostra të ndryshme meteoritësh, duke treguar se ata mund të sjellë në Tokë nga hapësira.
Një ekip i udhëhequr nga profesori i asociuar Yasuhiro Oba i Universitetit Hokkaido në Japoni, arriti të identifikojë dy përbërësit e mbetur që u kishin shpëtuar studiuesve.
Ekipi, i cili përbëhet nga shkencëtarë nga SHBA-ja dhe Japonia, ka studiuar tre meteorite karbonike që ranë në Australi, SHBA dhe Kanada.Nukleobazat e sapo zbuluara – citozina dhe timina – mund t’i kenë shpëtuar më parë vëmendjes së shkencëtarëve për shkak të strukturës së tyre veçanërisht të brishtë, që do të thotë se ato mund të ishin degraduar për shkak të natyrës së eksperimenteve të mëparshme, tha agjencia amerikane e hapësirës NASA, e cila gjithashtu ndihmoi në hulumtim.
“Tani kemi prova që grupi i plotë i nukleobave të përdorura në jetë sot mund të kishte qenë i disponueshëm në Tokë kur u shfaq jeta.” – tha Danny Glavin, një tjetër studiues në qendrën Goddard.
Biologjia moderne evolucionare sugjeron që elementët kimikë të kombinuar për të formuar përfundimisht sekuenca të ndryshme, konkurruese të acidit nukleik, një pararendës i acidit deoksiribonukleik (ADN) dhe acidit ribonukleik (ARN). Zbulimi nuk do të thotë se jeta u soll domosdoshmërisht në Tokë nga hapësira.
