Nuk ka marrëveshje për një takim midis presidentit rus Vladimir Putin dhe Papa Françeskut. Kjo u konfirmua për gazetarët të mërkurën nga zëdhënësi i Kremlinit, Dmitry Peskov.
“Iniciativa të tilla paraqiten në linjën e shërbimeve diplomatike. Nuk ka marrëveshje për takime dhe ato nuk janë bërë.“- tha zyrtari i Kremlinit sipas TASS.
Ai gjithashtu nuk e vlerësoi domosdoshmërinë e një takimi të tillë. “Në këtë rast, nuk ka pasur marrëveshje në këtë drejtim dhe nuk janë shprehur nisma specifike.”- përfundoi sekretari i shtypit i Putinit.
Kujtojmë se Papa Françesku në një intervistë për Corriere Della Sera shprehu gatishmërinë për të shkuar në Moskë për t’u takuar me Putinin dhe për të diskutuar për zgjidhjen e situatës në Ukrainë.
