Britanikët po marrin me qira arkivole të përkohshme për shërbimet e funeralit përpara se të varrosin të dashurit e tyre, raportoi The Sun. Drejtorët e funeralit thonë se masa e kursimit të kostos po bëhet më e popullarizuar pasi britanikët po përballen me një rritje të kostos së jetesës.
Një arkivol i përkohshëm merret për ditën e varrimit dhe kthehet më pas. I ndjeri vendoset në një arkivol ‘të brendshëm’ të lirë dhe të lehtë, i cili ndodhet brenda arkivolit të marrë me qira. Ky arkivol i jashtëm hiqet më pas pas shërbimit, duke e lënë trupin të varroset brenda kutisë.
Kostoja mesatare e marrjes me qira të një arkivoli është 312 dollarë, raportoi The Sun, shumë më poshtë çmimit prej 937 dollarësh për blerjen e plotë të një arkivoli.
Një prodhues i arkivoleve me qira i tha The Sun se prodhimet e kompanisë së tij nuk duhet të shihen si të ndryshme nga marrja me qira e një fustani nusërie.
“Ky treg i arkivolit me qira po u kursen familjeve mijëra stërlina, por është e trishtueshme që ata duhet të pajtohen me faktin që i dashuri i tyre nuk është në një arkivol të mbyllur.” – tha ai.
Inflacioni në Britani u rrit me 7% në mars. Kjo normë 12-mujore është më e larta që nga marsi 1992. Kostot e energjisë janë rritur edhe më shumë pas konfliktit në Ukrainë dhe vendimit të Britanisë për t’u shkëputur nga importet ruse të energjisë, pasi familjet tani paguajnë 28% më shumë për gazin dhe 19 % më shumë për energjinë elektrike.
