Ish-presidenti Trump shpalli fitoret për gati dy duzina kandidatë që ai mbështeti, të cilët fituan garat e tyre paraprake në Ohio dhe Indiana të martën mbrëma, duke parashikuar se nata ishte vetëm fillimi i një ‘sezoni të jashtëzakonshëm’ për republikanët që ai mbështet.
Në një intervistë ekskluzive me Fox News Digital, Trump tha se ishte ‘një natë vërtet e mrekullueshme për republikanët’.
“Isha 22 dhe 0.” – tha Trump për Fox News.
“Kam fituar çdo garë.”
22 kandidatët në Ohio dhe Indiana, të cilët Trump i miratoi fituan zgjedhjet e tyre paraprake të martën mbrëma, duke përfshirë JD Vance, kapitalistin sipërmarrës dhe autorin më të shitur të ‘Hillbilly Elegy’.
Vance siguroi miratimin e Trump në zgjedhjet paraprake të Senatit ndër Republikanët më pak se tre javë më parë.
“Unë mendoj se JD tregoi forcë të jashtëzakonshme.” – tha Trump.
“Ishte një fitore e madhe për të gjithë, por jam shumë i lumtur për Partinë Republikane, sepse kemi kandidatë të mëdhenj, mendoj se të gjithë do të fitojnë në vjeshtë. Ishte një mbrëmje e mrekullueshme për Partinë Republikane dhe ne i duam të gjithë kandidatët tanë nga Indiana, nga Ohio, unë shkova 22 dhe 0.” – tha Trump për Fox News.
“Mendoj se do të kemi një sezon të jashtëzakonshëm, mendoj se do të fitojmë shumë gara me kandidatë të shkëlqyeshëm që do të shkojnë në shifra të mëdha në vjeshtë”.
Duke parë përpara, Trump vuri në dukje garat në Pensilvani dhe Xhorxhia.
Në Pensilvani, Trump mbështeti Dr. Mehmet Oz në garën ndaj kundërshtarit të tij mes Republikanësh, David Mçormick.
“Gara e Oz do të jetë interesante. Unë mendoj se Oz do arrij një rezultat shumë të mirë.” – tha Trump, duke treguar zgjedhjet paraprake të Pensilvanisë më 17 maj.
Trump miratoi ish-senatorin republikan David Perdue në garën për Guvernator të Xhorxhias, ndaj Guvernatorit Brian Kemp. Por edhe pa miratimin e Trump, Kemp po gëzon një epërsi ndaj Perdue në sondazhet e opinionit publik dhe mbledhjen e fondeve.
Të martën e ardhshme në garën primare të Nebraskës për nominimin e Guvernatorit, Trump mbështet Charles Herbster, një ekzekutiv bujqësor multimilioner, në garën për të pasuar Guvernatorin republikan me mandat të kufizuar Pete Ricketts.
