Bill Gates publikoi një tjetër video të çuditshme të premten. Këtë herë duke u përpjekur t’i shesë botës GERM-të e tij.
Sipas Gates, ekipi i GERM (Përgjigja dhe Mobilizimi i Epidemisë Globale) do mbikëqyrë kombet sovrane dhe do të vendosë kur ata duhet të pezullojnë liritë civile të qytetarëve, t’i detyrojnë ata të mbajnë maska dhe të mbyllin kufijtë.
Ekipi global do të përbëhet nga 3000 ekspertë të sëmundjeve nën Organizatën Botërore të Shëndetësisë dhe do marrë rreth 1 miliard dollarë në vit financim. Në librin e ri të Gates, “Si të parandalojmë pandeminë e ardhshme”, ai përshkroi ekipin e GERM:
“Unë e quaj atë ekipi GERM-Përgjigja dhe Mobilizimi i Epidemisë Globale, dhe puna e njerëzve të tij duhet të jetë të zgjohen çdo ditë duke i bërë vetes të njëjtat pyetje: A është bota gati për shpërthimin e ardhshëm të pandemisë? Çfarë mund të bëjmë për të qenë më të përgatitur? Ata duhet të paguhen plotësisht, të vaksinohen rregullisht dhe të përgatiten për të ndërmarrë një përgjigje të bashkërenduar ndaj kërcënimit të ardhshëm të një pandemie. Ekipi i GERM duhet të ketë aftësinë për të shpallur një pandemi dhe të punojë me qeveritë kombëtare dhe Bankën Botërore për të mbledhur para për përgjigjen shumë shpejt.”
Por përgjigja e GERM ndaj një shpërthimi aktiv është vetëm një pjesë e punës së tyre, shkroi Gates në blogun e tij, ‘puna më e rëndësishme e ekipit është të ndihmojë në kryerjen e ushtrimeve të reagimit ndaj shpërthimit të një pandemie duke provuar nëse bota është gati për shpërthimin tjetër të madh. Ushtarët organizojnë rregullisht lojëra luftarake për të vlerësuar gatishmërinë e tyre, ne duhet të bëjmë të njëjtën gjë me kërcënimet e sëmundjeve’.
Duke promovuar librin e tij të ri më 1 maj, Gates postoi një video që duket të jetë një përpjekje për të justifikuar nevojën për ekipin e tij GERM dhe stërvitjet GERM.
Nuk është hera e parë që Gates përdor termin ‘lojëra GERM’ ose ‘lojëra mikrobesh’.
‘Lojërat e mikrobeve’, sipas The Science Times, janë kur agjencitë qeveritare praktikojnë skenarë të ‘një katastrofe tjetër pandemike’. Por, duket se, sipas Gates, termat ‘pandemi’ dhe ‘bioterrorizëm’ janë të këmbyeshëm.
Në nëntor 2021, The Hill raportoi se Gates kishte një mesazh gjatë intervistës së tij me Jeremy Hunt, kryetar i Komitetit të Përzgjedhur të Shëndetit në Mbretërinë e Bashkuar. Gates paralajmëroi liderët botërorë që të praktikojnë ‘stërvitjet ndaj mikrobeve’ për t’u përgatitur për sulme bioterroriste duke pohuar se ‘bioterrorizmi është i pashmangshëm’.
Gates tha se autoritetet ndërkombëtare duhet të përfshihen në ‘stërvitje ndaj mikrobeve’ të cilat do t’i kërkonin SHBA-së dhe Mbretërisë së Bashkuar të shpenzojnë dhjetëra miliarda për kërkimin dhe zhvillimin për pandeminë e ardhshme.
“Do të duhen ndoshta rreth një miliardë në vit për një Task Force pandemike në nivelin e OBSH-së, e cila po bën mbikëqyrjen dhe në fakt bën atë që unë i quaj ‘stërvitje ndaj mikrobeve.” – tha Gates.
Më poshtë është videoja e hedhur nga Gates duke u përpjekur edhe një herë të tregojë idenë e tij të ekipit GERM – çuditërisht, duke përdorur një qenush dalmat dhe një kapelë zjarrfikësi si rekuizita.
Më poshtë është video nga postimi i Gates në Tëitter të premten, 6 maj, e cila mban mbishkrimin: “Ne në fakt kemi tashmë një model të mirë: parandalimin e zjarrit. Ne instalojmë detektorë tymi, miratojmë kodet e ndërtimit dhe stërvisim e pajisim zjarrfikësit. Tani duhet të bëjmë të njëjtën gjë për parandalimin e pandemisë.”
Në videon e tij, Gates tha, ndërsa shfaqte pamje të ndërtesave që digjen: “Nëse shikoni vërtet të gjitha gjërat që kemi bërë për të zvogëluar dëmet nga zjarri, është mjaft mbresëlënëse. Mjerisht, një fatkeqësi për të cilën nuk kemi investuar është ndalimi i pandemive. Duke u siguruar që ato të mos shkaktojnë vdekjet dhe dëmet ekonomike me të cilat u përballëm me Covid. Për të parandaluar pandemitë, na duhet ekuivalenti i një departamenti zjarrfikës global. Ashtu si ne kemi nevojë për detektorë tymi, ne kemi nevojë për punonjës shëndetësorë në mbarë botën për të vëzhguar për shpërthimet e sëmundjeve.” – vazhdon Gates.
“Dhe ashtu si kemi zjarrfikës, ne kemi nevojë për një ekip, puna me kohë të plotë të të cilit është të parandalojë pandemitë, të ngrejë alarmin kur shfaqen shpërthime, të ndihmojë në kontrollimin e tyre dhe të punojë në mjete të reja si diagnostikimi, trajtimet dhe vaksinat.”
VINI RE: Ky material është pronësi intelektuale e Daily Expose
