Turmat e zemëruara në Sri Lanka kanë djegur disa shtëpi që i përkisnin kryeministrit i cili dha dorëheqjen një ditë më parë si dhe deputetëve të tij, pasi gjatë protestave ata ishin sulmuar nga mbështetës të qeverisë.
Dorëheqja e kryeministrit Mahinda Rajapaksa siç duket nuk arriti t’i qetësonte demonstruesit, të cilët u përpoqën të sulmonin rezidencën e tij zyrtare ndërsa ai ishte ende brenda.
BBC shkruan se shtatë persona kanë vdekur gjatë protestës dhe më shumë se 190 janë plagosur që nga e hëna.
Shtetrrethimi i shpallur në të gjithë ishullin është zgjatur deri në mëngjesin e së mërkurës pasi autoritetet kërkojnë të shuajnë dhunën.
Shumë janë ende duke bërë thirrje që presidenti Gotabaya Rajapaksa, i cili është vëllai i kryeministrit, të largohet gjithashtu nga detyra.
Të hënën, mbështetësit e qeverisë u përleshën dhunshëm me protestuesit në kryeqytet. Policia ndërhyri dhe gaz lotsjellës dhe topa uji u hodhën ndaj mbështetësve të qeverisë pasi ata thyen kordonët e policisë dhe sulmuan protestuesit duke përdorur shkopinj dhe shtylla.
Demonstruesit e zemëruar u hakmorrën, duke i kundërsulmuar mbështetësit e qeverisë dhe duke synuar deputetë të partisë në pushtet. Ndërsa nata vazhdoi, turma protestuesish anembanë vendit dogjën shtëpitë që i përkisnin Rajapaksas, ministrave dhe deputetëve të ndryshëm. Kjo përfshinte një shtëpi të kthyer në një muze nga Rajapaksas në fshatin e stërgjyshërve të tij në Hambantota në jug të Sri Lankës.
Pamjet e postuara në mediat sociale treguan shtëpitë në flakë ndërsa njerëzit brohoritnin. Zonat pranë rezidencës zyrtare të presidentit u vunë gjithashtu në flakë.
PM Mahinda Rajapaksa’s ancestral home in Madamulluna has been set on fire. pic.twitter.com/JAN52w5Gxw
— DailyMirror (@Dailymirror_SL) May 9, 2022
Sri Lanka po përballet me krizën e saj më të keqe ekonomike që nga fitimi i pavarësisë nga Britania në vitin 1948 dhe njerëzit janë të zemëruar sepse kostoja e jetesës është bërë e papërballueshme. Ata janë përballur me një rritje të paprecedentë çmimesh dhe me ndërprerje të herëpashershme të energjisë elektrike.
Rezervat valutore të vendit praktikisht janë tharë dhe njerëzit nuk mund të përballojnë më as produktet thelbësore, duke përfshirë ushqimin, ilaçet dhe karburantin.
Qeveria ka kërkuar ndihmë urgjente financiare dhe fajëson për krizën pandeminë e Covid-19.
