Një përplasje ka ndodhur paraditen e sotme në Kuvend mes deputetëve të Partisë Demokratike Gazment Bardhi dhe Edmond Spahos.
E gjitha ndodhi pas rrëzimit të rezolutës së propozuar nga deputetët e grupit të Rithemelimit për dënimin e gjenocidit serb në Srebrenicë.
Pas votimit, kamerat e Kuvendit treguan Jorida Tabakun, Tritan Shehun dhe Edmond Spahon që afrohen në karriken ku është ulur Gazment Bardhi.
Ky i fundit duket se po debaton ashpër me Spahon. “Mos më bërtit mua!”– dëgjohet Bardhi.
Spaho i thotë “S’ju vjen turp”. Ndërsa Bardhi i shkthehet: “Po shko mor zhduku, palaço”.
Duket se debati ka lidhje me deklaratat e mbrëmshme të Bardhit në një program televiziv se një nga deputetët e Rithemelimit “ka një vilë që kushton 760 mijë euro” dhe mbahet peng nga Edi Rama.
